Timor Today

  1. Breaking News
  2. Exclusive
  3. Gender
  4. in Depth
  5. Opinion
  6. Redaction
  1. Investigative
  2. World
  3. Sports
  4. Entertainment

Around Districts

Find us on Facebook

CJITL  Flash, Sidadaun estranjeirus ida husi Pakistaun ho naran Wazear Ali,  Mate tamba tara’an  iha Lurumata, Dili, Domingu kalan (20/2).
 
Matebian Wazear Ali moris iha  Pakistan mate ho tinan 27  no husik hela nia fen no nia oan feto ida, agora mak foin halo  fulan ha’at (4).
 
Ali iha Timor durante tinan lima (5) ona Ali hanesan vensedor  dosi Terang Bulan iha dalan ibun pertamina Comoro Fuel nia sorin.
 
Tuir Virgina da Costa nu'udar nia fen katak sira nain rua iha lokraik antes nia mate istori malu tanba iha problema uma laran, maibe ne’e bain-bain deit.
 
“Hau dehan ba nia lokraik ona o ba loke Terang Bulan lai maibe nia hatan hau loke ga la loke ne’e urusan hau nia ne’e mak ami nain rua hirus malu oituan” hateten Virgina segunda 21/02, iha Lurumata Dili.
 
Lasmon nu'udar komunidade ne’ebe mak hela besik iha vitima nia sorin senti hakfodak tamba vitima nunka problema  ho ninia fen derepenti deit nia rona katak Ali tara’an.
 
Tuir Lasmon katak  nia foin mak mai hela iha lurumata no antes ne’e  hela iha Becora.
 
“Sira foin mak hela iha ne’e semana rua, durante ne’e sira hela iha bekora” hateten Lasmon.
 
Wazear Ali hela aluga uma ida iha Lurumata ho presu arendamentu fulan ida $170.
 
Nune’e mos Ato ne’ebe mak fa'an mina iha pertamina Comoro Fuel katak horseik ne’e  matebian Ali hemu  tua maibe la lanu, derepenti deit dadersan rona Ali tara’an ne’e mak ami  mos hakfodak deit.
 
Iha momentu ne’e kedas polisia forensiku lori kedas mati isin ba  Hospital Nasional Guido Valadares Bidau Dili para halao prosesu autopsia.
 
Seidauk hatene lolos motivu husi akontecementu ne'e tanba polisia seidauk publika rezultado outopsia. (Manuel Ximenes/CJITL)