CJITL Flash, Ministru Negósius Estranjeirus, Zacarias Albano da Costa partisipa iha serimonia abertura  Enkontru Ministrus ASEAN nian ba dala 44 iha Bali, Indonesia.

Tuir komunikadu Imprensa ne’ebe mak CJITL katak MNE Zacarias Albano da Costa lidera delegasaun Timor-Leste nian,  iha Enkontru ba dala 44, Ministrus ASEAN (AMM), Conferensia Post Ministerial (PMCs), no Forun Rejional ba ASEAN ba 18 (ARF) nebe'e inklui  Dialogu  Sudoeste   Pasifiku iha Bali , Indonesia,  hahu iha dia  18  to 23 fulan Jullu 2011.

Delegasaun Timor-Leste sei uza oportunidade kontinua reitera fila fali nia preparasaun atu tama ASEAN no bele fo nia kontribuisaun vizaun  ho perspektiva konaba prosessu hari'i Komunidade ASEAN nune'e mos prosesu integrasaun ekonomiku.

Ministru Zacarias Albano da Costa  no delegasaun Timor-Leste sei halo parte mos  iha Forun Rejional ASEAN nian nune'e mos  iha forum Dialogu Sudoeste Pasifiku   21-23 hodi diskuti asuntus ne'ebe iha interese komun no mekanismu atu haforsa liu tan kooperasaun rejional iha parserias no desenvolvimentu rejional.

Ministru Zacarias da Costa mos iha oportunidade halao enkontrus bilateral ho parseirus husi rai ASEAN balun, Parseirus Dialogu ASEAN no membrus ARF.

Ministru Zacarias da Costa akompania husi nia kaben Milena Pires, Timor-Leste nia  Ofisial Seniur ba ARF, Marciano da Silva, Director Jeral ba Asuntus Externus, Embaixador Juvencio Martins, Embaixador Manuel Serrano, Embaixador Roberto Soares, Diretora ba Asuntus ASEAN, Dirce Carolina, Chefe do Gabinete do Ministro, Joao Tavares, Consule Geral Olandina Caero,  Asesora  ba Seguransa Sonia Leite no Asesora ba Media Maria Gabriela Carrascalao.  (Domingos da Silva/CJITL)