CJITL Congo, Tuir komunika de press nebe CJITL Online iha Congo hetan katak ONU iha RD Congo espresa ninia solidaridade ba Governu Congolese no Congolese hotu hafoin aviaun monu iha Sexta 8 Jullu iha aeroportu Kisangani. 

ONU mos hakarak hatoo ninia kondolensia ba familia sira hotu nebe ninia familia lakon no hetan kanek, nomos ONU oferese sasan hotu hotu nebe iha posibilidade atu suporta ba autoridade Congolese.

Kontigente MONUSCO Bangladeshi no Belgian sira foo dadaun ajudu medikal emergensia nian ba vitima sira iha Kisangani, no ajuda evakua sira nebe hetan kanek ba hospital nebe besik iha area neba. oras ne'e dadaun iha Kinshasa (kapital RD Congo), WHO servisu direta ho Ministru Saude RD Congo nian atu fo personel mediku adisional no ekipamentu ba area nebe hetan afeta.

Ho disastre aviaun nebe monu bebeik, ONU iha RD Congo kontinua atu halo dialogu ho autoridade Congolese sira atu determina oinsa bele prevene no fo asistensia nebe lalais liu ba problema hanesan iha oin mai.

Tuir Ministru Saude Congolese nian haktuir katak vitima hosi aviaun nebe monu ne'e hamutuk ema 127. Nia mos haktuir katak numeru vitima 112 nebe fo sai horseik hosi Hewa Bora airline lalos.

Iha acidente aviaun monu ne'e ema nain 51 ida mak moris.

Iha Central Afrika disastre aviaun monu nebe akontese bebeik hanesan iha Abril aviaun ONU nian ida monu iha Kinshasa hamate ema hamutuk 32. Aviaun seluk mos monu iha parte sul oeste sidade Bandundu, RD Congo iha tinan kotuk nebe hamate ema hamutuk 20. Iha 2008 aviaun DC-9 nebe halo operasaun ba Hewa bora mos monu ba merkadu ida nia laran iha Goma, RD Congo nebe hamate ema nain 44. Ars/CJITL Afrika.