CJITL Indonesia, Ade Rostina Sitompul, Aktivista Direitos Humanos Indonezia nian ne'ebe sai amiga diak ba Timor Leste ikus mai husik hela mundo ou mate ho idade tinan 72 iha Rumah Sakit Cipto Mangunkusumo, Sexta feira kalan ne'e (8/7).

Ade Sitompul nu'udar amiga diak mos ba aktual Primeiru Ministru Xanana Gusmao, bainhira sei detein iha LP Cipinang, no Ade Sitompul hakilar makas ba violasaun direitos humanos ne'ebe akontese ba Timor oan liu – liu masakre 12 Novembru 1991.

Eastdu Timor Leste rasik iha Setembru 2009 liu ba kondekora tiha ona Ade Sitompul ho medalha osan mean iha Uma fukun parlamentu nasional.

Iha seremonia funerariu ne'ebe hala'o ohin meiudia iha  TPU Pondok, Jakarta, Indonesia, partisiap mos husi Prezidente Parlamentu Nasional, Fernando de Araujo Lasama.

Ade Sitompul nia isin mate no kaixao falun ho tais Timor nian, tuir ordem ne'ebe nia rasik husik hela molok mate ou i'is kotu. (Gil da Silva/CJITL)