CJITL Afrika, iha Sexta ne'e aviaun ida lori 112 pasangeru nebe koko duni atu tuun iha aeroportu internasional Kisangani, Republika Demokratika Congo, CJITL reporter iha Congo hateten.


"Ohin loron sura fulan 3 liu loron 4 hosi aviaun ONU nian nebe monu iha loron 4 fulan Abril 2011, hau sai sasin ba dala ida tan aviaun Congolese ida monu iha rai Congo", CJITL Reporter iha Congo hateten.

 

"Aviaun iha Afrika monu bebeik tamba relasiona ho klima nebe mak ladiak," nia hatutan. "Afrika nia klima ita tauk fali tamba lalehan sempre nakukun taka ho abu-abu metin hela deit," CJITL Reporter ne'e hateten ho trauma.

 
"Pilotu koko duni atu tuun maibe sira la tuun iha aviaun halai fatin (railway)," chefe exekutivu aviaun Hewa Bora hateten ba Reuters liu hosi linha telefonica. "Hau laiha detallu kona-ba vitima," nia hatutan.
 
Portavoz governu Congolese Lambert Mende hateten ema nain 40 deit mak moris, vitima hosi aviaun Boeing 727 ne'e.
 
Hewa Bora kompania aviaun ida nebe bandu tuir lista European Union nian tamba kestaun seguransa, hanesan Hewa Bora mos hetan mos lisensa atu semo iha Afrika Central nebe sai hanesan transporte lalehan (air transport) nebe aat liu iha mundu. Ars/CJITL Afrika.