CJITL Flash, Judisial System Monitorin Program-JSMP servisu hamutuk ho Fokupers hodi lansa relatoriu konaba Lei Violensia Domestika ho tema “Infrenta dezafiu violensia domestika iha TL, Lei foun bele lori Rejultadu”.


Turi Direktur JSMP Luis Oliveira Sampaio hateten katak objetivu hosi lansamentu ida relatoriu ida ne’e atu hare ba iha Lei Kodigu Penal ne’ebe antesipa kleur tiha ona wainhira Lei Violensia Domestika tama ona iha vigor no ohin halo  tinan no tinan ida ne’e sedu liu Lei ne’e bele lori rejultadu positive ka lae.


“Lei ne’e lao konvinadu tan ne’e maka ami suzere ba iha Autor Judisiario sira katak bainhira iha kaju ruma ne’ebe relasaun ho Violensia Domestika atu uja konsentu ne’ebe maka ita define ona Lei kontra Violensia Domestika ne’e nia oin” dehan Luis, iha Kuarta   (20/ 07) iha Salao Delta Nova.


Nia hatutan katak durante ne’e kaju barak maka tama ona iha Tribunal maioria domina liu maka kaju violensia Domestika, ami fiar katak ho Lei kuadru Juridika foun ne’e bele obriga autor judisiario inkoranzen sira atu servisu uja Lei kuadru foun ne’e, Lei Violensia Domestika ho Lei Kodigu Penal atu kombate no elimina Violensia hasoru feto no mane semak halo Violensia hasoru feto maka nia iha responsalidade atu ba hatan iha Tribunal.


Iha fatin hanesan Direktora Fokupers Maria hateten katak tinan ida ona Lei kontra  Violensia domestika ofisialmente fo sai ona iha Joranl da Republika TL, tan ne’e Sekretario Estadu Promosaun Igulidade-SEPI halo esforsu makas hodi halo fiskalizasaun konaba Kontiudu Lei kontra violensia domestuka,iha komunidade nia let.


“Defikuldades ne’ebe maka ami hasoru maka lider komunitario barak sente katak Lei kontra Violensia domestika hadau sira nia direitu no hasai sira nia poder hanesan Liders komunitariu iha suku no aldeia”Maria Kestiona.


Nia hatutan katak ema balun maka sente katak Lei kontra Violensia domestika hadau sira sira nia deireitu no hasai sira nia poder hanesan lider komnitariu iha suku no aldeia, maibe Lei kontra Violensia domestika apoiu tebes  ba sira nia servisu hodi hakaman sira nia todan nebe durante nee sira hasoru iha sira nia suku rasik.


Nunee mos Reprezentante Sekretario Estadu Promosaun Igualidade Tomas  da Silva hateten Timor Leste presiza atu hari duni Lei ne’e, politika ne’e Governu hasai tiha ona iha tinan kotuk .


“Ema barak maka koalia ona katak Lei ne’e atu hadau fali sira nia servisu, ne’e la los, maibe atu promove Lei ne’e maka autor Judisiar sira ho komponetente sira ne’ebe hare ba Lei ne’e diak no tenke implementa dunia”dehan Tomas.


Iha oportunidade ida ne’e Adjuntu Provedoria dos Direitu Humanus e Justisa-PDHJ Silveiru Pinto hateten  implementasaun ba Lei ne’e tama tinan ida, iha Lei ida ne’e maka ita bele hatene nia subtansia  iha Lei ne’e rasik.


“Lei ne’e temi entidade hotu nia naran no sira nia papel ne’ebe liga ho Lei Vilensia Domestika ne’e, hanesan orgaun judisiario sira iha kuinesementu diak pona ba Lei ne’e ka lea, karik sira kuinese ona maka oinsa sira nia Perbandingan  prosesu ba kaju sira ne’ebe akontese liu-liu kazu violensia domestika sira uja duni lei ne’e para hodi halo prosesu ba kaju Violensia domestika ka lae,”dehan Silveru. (Domingos da Silva/CJITL)