CJITL Feto, Deputada Josefa Pereira Soares husu ba Governu atu detekta fatin Prostituisaun sira atu nune’e bele tau asistensia medika.     


“Hare sira ne’ebe mak  hetan moras HIV /AIDS  tenke tau ketak atu nune’e  moras ne’e la bele daet fali baMane sira ne’ebe mak ba Fatin ne’e ” dehan Josefa Segunda 18/7, iha Uma fukun Parlamentu Nasional.


Nia hatutan katak Governu tenke tau Prostituisaun sira iha fatin ne’ebe mak seguru, atu nune’e la bele prejudika fali ema seluk.


Prezidente Feto Parlamentar ne’e mos informa katak Feto Parlamentar Fahe ba Grupu 4, mak hanesan tau matan ba HIV /AIDS  kontra emicida, tau matan ba Prostituisaun, Violensia Domestika, e Trafiku Humanu.


Grupu ne’ebe mak  konaba Prostituisaun ne’e  servisu maka atu  indentifika fatin prostituisaun sira ne’e, wainhira indentifika ona ami sempre kopera ho instituisaun kompotente para bele hare oinsa reduz oituan Prostituisaun iha Timor Leste. (Cesaltina & Celestina/CJITL)