?CJITL Fleto, Prezidente  Partido Unidade Nacional  (PUN), Fernanda Borges konfirma katak Partidu PUN sei la kandidatu nia ema ida ba eleisaun Prezidensia 2012.

“Partidu PUN hau rasik sei la kandidata an ba Presidenti Republika tamba tuir hau nia hare, hau nia kapasidade  no esperensia seidauk  to’o atu sai Prezidente Republika” hateten Fernanda Bosges, tersa 29/3, iha Uma Fukun Parlamentu Nasional.

Tuir nia katak matene no esperensia ne’ebe mak nia rasik hetan sei ajuda povu Timor Leste tanba iha governo mak sei implementa programa atu hadia povu nia moris, hosi hamenus kiak iha Nasaun ida ne’e.

Borges hatutan katak partido PUN nu'udar partido ida ne’ebe hakarak kontinua fo nia kontribuisaun ba nasaun  ida ne’e liu husi Parlamentu nasional.

“Hau sei lidera nafatin hau nia partido iha 2012 atu kontinua husu povu nia tulun atu vota mai hau nia partidu hodi defende interese povu  tomak iha rai ida ne’e” informa Fernanda Borges.(CJITL Internship)