CJITL Feto, Aguida Moniz, hanesan vendedor ida fa'an roupa obralan iha merkado Hali laran, Lahane konfirma katak laiha tan ona dalan seluk ba nia atu buka moris.

“Maske hetan osan barak ka oituan ida ne’e mak ami nia moris” Aguida hateten.

Guida mai husi Distritu Aileu buka moris iha kapital Dili hodi fa’an roupa obralan.

Tuir Guida katak  loron ida  bele  hetan u$ 15.00.  

“Se kuandu ami hola mai mak hena diak, ami bele hetan lukru mos barak, kuandu hena la diak ami hetan deit osan inan” dehan Guida, segunda 28/3, iha Merkadu Hali laran.

“Ami nia moris mak nune’e deit ona, Laiha dalan seluk mak ami hili maibe ba ami nia moris dalan mak obralan deit ona, governu hare keta haluha kria fasilidade ba ami nia negosiu” nia remata. (Bentu Araujo/ CJITL Internship)