CJITL Feto, Aktidade Prostitusaun ne’ebe durante ne’e halao iha areia Farol oras ne'e dadaun taka ona tanba feto ne'ebe uluk loke fatin refere oras ne'e hola mane ona.

Tuir Feto ho insial AM, ne’ebe hanesan na'in ba fatin prostituisaun iha area Farol  ne’e hateten “uluk hau tama halo vida prostituisaun ne’e  tamba situasaun mak obriga jadi hau mak hari fatin ida ne'e, hodi halo aktividade hanesan ne’e”.

“Agora hau taka tiha ona fatin ne’e tanba hau mos agora hola tiha ona mane, mane ne’e mos hakarak hola hau, maske nia hatene hau uluk moris hanesan Prostituisaun” dehan AM kinta 24/2, iha Farol Dili.

Tuir AM katak feto sira ne’e mak sira hamutuk halao aktividades  Prostituisaun ne’e agora fahe malu hotu ona la hatene ba hotu iha nebe.

“Hau lakohi atu hala'o tan vida Prostituisaun hanesan uluk  tanba hau nia moris uluk ho agora la hanesan ona, uluk ne'e situasaun obriga hau tenke halo hanesan ne'e, mais agora ne'e iha ona mane ne’ebe mak hakarak tangung hau tanba nia fo oan ida mai hau” informa AM.

“Uluk ema vizinho sira bolu hau feto puta maibe hau pasensia deit, agora mak hau foin sadar tanba iha ona oan, agora hau hare mak hau nia oan no hau nia uma laran ho mane ne’ebe mak oras ne'e hakarak moris hamutuk ho hau” dehan AM hodi remata.

CJITL online kontinua buka identika fatin sira ne'ebe antes ne'e sai hanesan fatn prostituisaun ho kondisaun oin – oin ne'ebe ikus mai taka tanba razaun oin – oin. (Sonia Ferreira/Reporter Anti Prostituisaun no kriminal /CJITL)