Tuir mai ne'e CJITL hatun intervista exclusivo ho Prezidente Partidu foun ho naran Asosisaun Popular Monarkia Timorense – APMT, Pedro Ramalho hodi responde ba relasaun politika ho Prezidente Klibur Oan Timor Aswa'in – KOTA.

 

APMT mos iha intervista ne'e deklara sei aprezenta nia kandidatura ba eleisaun prezidensial.

CJITL: Ita bo'ot bele esplika objektivo husi hari’i partidu APMT?
Pedro Ramalho: APMT nia objektivu la'os atu defende monarkia maibe partidu ne'ebe hadomi povu,haburas povu ida ne’e maka objektivu no hakarak.

CJITL: Bele konta oitoan istoria kona ba APMT no KOTA?
Pedro Ramalho: APMT moris iha loron 15 fulan julho 1974, partido refere muda fali ba KOTA iha 10 de Novembru 1974 no agora dadaun ami hamosu fali APMT iha Dezembru 2011.

CJITL: Razaun saida maka agora mosu fali APMT?
Pedro Ramalho: Tamba uluk ASDT mos muda ba FRETILIN no ami mos hakarak muda fali ami nia partidu hanesan uluk,hau tenke hamoris fali hau nia partidu.

CJITL: Karik iha konflitu interna ruma ho KOTA ka oinsa?
Pedro Ramalho: Sim iha porlema internal.

CJITL: Ne'e katak Saida?
Pedro Ramalho: Ne'e katak agora ami kete-ketak, Manuel Tilman hamrik ho KOTA ami hamrik ho APMT, nia mos buka nia povu, ami mos buka ami nia povu, maibe nia esplika deit KOTA nia hun maka ida nebe, nia tenke esplika ba povu atu nune’e povu mos hakarak hatene, tamba povu ne’e hatene ami maka ba ne’e se nia mesak deit entaun dala ruma povu la fiar nia.

CJITL: Ida ne'e KOTA nia Sede, tan sa APMT mak okupa fali?

Pedro Ramalho: Uluk ne’e sede KOTA nian duni maibe nia muda tiha sede ne’e ba tun ba iha hotel hodi halo fali sede, ami APMT la fo ulun ba ida ne’e, agora ida ne’e APMT nia sede no KOTA nia sede ba tun iha hotel ne'eba, tamba nia iha osan atu aluga hotel maibe ami osan la iha.

CJITL: Oinsa emosaun entre APMT ho KOTA?
Pedro Ramalho: Relasun entre APMT ho KOTA hau hanoin ne’e relasaun la iha (relasaun kotu), tantu militante KOTA nian ne’e fila mai hotu iha APMT, agora dadaun ne’e militante APMT hanean mos ami ba hasae bandeira iha sub distritu Maubisse, ninia distritu rasik, portantu iha neba ne’e laos militante KOTA maibe militante APMT, ami redus deit husi militante KOTA ami redus mai iha APMT, uluk ami sei hamutuk iha KOTA entaum ami bolu militante KOTA, maibe ami agora ho fali partidu APMT militante hotu hotu iha teritotio tomak fila hotu mai iha APMT, ne'ebe ami mos rejista ona iha tribunal iha dia 27 de Dezembru 2012, konaba ami nia kandidatu ba prezidente republika, se to’o 5000 ami lori ami nia parezidente partido APMT sei ba kandidatu, ida ne’e maka politika ami sei halo. Tanba ne’e mak ho politika ida be Manuel Tilman nian ne’e ami dehan ami la iha transparansia tamba ne’e maka ami mos muda no rejista ami nian wainhira povu ejiji ba ami, povu laran tristi tamba ami hela ho KOTA wainhira orsamentu sira nebe maka nia gasta la tuir tiha ona kriteria ne’ebe CNE fo. Razaun ida ne’e ami mos hamrik ho partidu APMT no ami mos la iha ona relasaun ho Manuel Tilman, nia mos kandidata a’an ba Prezidente republika ami mos pronto atu kandidata ba Prezidente Republika.

CJITL: Mais ou menus Se mak APMT nia kandidatura ba PR?
Pedro Ramaho: Hau rasik,Pedro da Costa Ramalho, mak sei kandidata a’an ba prezidente republika

CJITL: Oinsa Ita bo'ot hare Manuel Tilman nia kanidatura ba PR?

Pedro Ramalho: Ami mos hakarak kandidata a’an tamba ami mos iha partidu ida naran APMT katak ami iha ona separasaun de poderes kada partidu tamba partidu KOTA aparte no partidu APMT mos aparte,entaun agora militants ba partidu KOTA nian tama hotu ka afilia hotu ba partidu APMT I ami perkore ona iha Maubisse, Baucau, Aileu no distritu seluk ne'ebe perkore ho militante KOTA agora Manuel Tilman lao ho liman mamuk deit ona tamba militants KOTA la iha konfiansa ba atetude ne'ebe Manuel Tilman katak ho problema internal nebe mosu nia laiha responsabilidade ba problema refere. tan ne’e militantes sira lakon ona konfidensial atu tama ba partido KOTA tan ne’e ami garante katak Manuel Tilman tantu iha eleisaun Prezidente no Parlamentar sei la hetan votus.
Partidu APMT agora dadaun legalize ona iha tribunal rekurso no iha tempu badak ami sei publika ami nia kandidatura ba publiku no mos iha tempu badak mos ami sei hatama ami nia dokumentus ba iha tribunal rekursu hodi prosesa tuir lei nebe vigora iha ita nia rain. (Jornalista; Amandio Magno ho Zezito da Siva/CJITL)