Konflitu internal entre Klibur Oan Timor Aswa'in – KOTA ho partidu foun Asosisaun Popular Monarqia Timorense – APMT fo reasaun seriu ba Manuel Tilman bainhira responde perguntas Jornalista CJITL,konaba nia kandidatura Prezidente Republika, tuir mai Intervista kompletu.

 

CJITL: Mais ou menus preparasaun ona ba Ita bo'ot nia kandidatura?

MANUEL TILMAN: Preparasaun ne’e hau sei prepara liliu hau nia komisaun de honra de kandidatura, ema barak dehan tim de susesu maibe hau la gosta liafuan tim susesu ne’e ida, ne’e duni hau iha komisaun de honra kandidatura nasional,distrital. Komisaun rua ne’e sei halo reuniaun bo’ot ida iha dia 30 de janeiru, depois komisaun rua ne’e bainhira hau eleitu nudar Prezidente da Republika sira sei sai hau nia matan,tilun no ibun ba povu sira. Ida seluk kona ba tamba kandidatu barak ona hare’e mos katan kandidatu balun mai husi seitor ida deit hanesan agora dadaun ita hare katak kandidatu barak mak mai husi baucau,viqueque,lospalos nebe hau hein katak hau raiklaran maibe hau mos iha ema barak iha neba,hau nia apoiantes ne’e liu rihun ida resin iha neba mos. Preparasaun ne’e tenke halo neneik,didiak no klean para labele provoka fali problema hanesan iha 2006 ne’e ,tamba ne’e maka hau lakohi lao lalais,maibe hau nia dokumentus prontu ona.

CJITL: Saida mak Ita bo'ot nia Manifesto Eleitoral ba kampanya?

Manuel Tilman: Como kampanha eleitoral ne’e loron sanulu resin lima deit, distritu sanulu resin tolu sei la fo tempu para atu vizita distritu sanulu resin tolu ne’e, karik ba ho helikoptru ne’e lalais como ho kareta entaun defisil oitoan, karik distritu balun hau sei la vizita, maibe hau nia kandidatura ne’e hau sempre hateten katak ami dolar hanesan samean, lao neneik,hau  nia kampanha eleitoral rasik halo tiha ona durante tinan lima liu ba ne’e,povu timor hatene tiha ona katak mutin metan oito um (8 1).
Buat saida maka hau sei lori ba povu atu hatene hau nia programa politiku maka hanesan ne’e saida maka hau hanoin programa projetu fiziku ka umanu maka iha hau nia ulun fatuk numeru um maka ida ne’e hau prezidente ba komisaun da ekonomia finansa no anti korupsaun durante tinan sanulu hau konhese tomak lei kna ba ekonomia finansa husi fundu mina rai nian  aktividades finanseiras,aktividades mina rai nian orsamentu tinan sanulu ne’e hau konhese tomak entaun hau hanesan prezidente da republika nia programa numeru um maka ne’e osan ida nebe minarai nian ne’e investe iha ema investe iha familia hau la gosta merenda eskolar nian nebe ho etu dodok koto ida be boracha nebe halo labarik sira moras entaun halo onsa mak ita bele koriji buat ida ne’e laos halo tan fo tan osaon lae ida, hapara buat ida merenda eskolar ne’e, hatama osan iha familia para inan aman rasik maka tenke koidadu nia oan sira para antes nia oan sira ba eskola han netik ai farina ruma iha uma investe iha uma ida ne’e maka hau sei halao.

CJITL: Bainhira maka Ita boot aprezenta ita nia kandidatura ba Tribunal Rekursu?

Manuel Tilman: Hau sei aprezenta hau nia kandidatura iha loron 31 fulan Janeiru, prazu para se maka hakarak atu sai kandidatu atu arezenta a’an ba kandidatura prezidente a eleisaun period 2012-2017 sei remata iha 4 de Fevereiro, hanesan ne’e hau sei verifika dokumentus sira ne’ebe lei ejiji para ema atu kandidata a'an,hau nia dokumentus sira ne’e pronto hotu tiha onano ema apoiantes sira ne’e liu tiha ona rihun sanulu mas como prazu ne’e sei naruk tan ne’e hau sei aproveita prazu ne’e.

CJITL: Ita boot nia kandidatura ne’e ba independente ka  partidu?

Manuel Tilman: Hau nia kandidatura hau sempre bolu dehan kandidatura independente e sivilista ,independente katak maske hau prezidente husi partidu ida maibe hau nia kandidatura ne’e independente katak hetan rihun sanulu resin apoiante ne’e laos militante deit partidu KOTA nian, militante sidadaun nasional sira hotuno sivilista ne’e signifika katak hau la kandidata a’an ba Prezidente da Republika hanesan  organizasaun ruma ka komandane de kompania ka komandante polisia ka ou paroku ruma sub distritu ruma ka buat seluk ruma.

CJITL: Ita boot ohin dehan kona ba prezidente partidu KOTA nian, maibe agora KOTA sei iha ka lae?

Manuel Tilman: KOTA agora moris buras liu fali antes agora rihun ruaa nulu resin nudar militants iha timor laran tomak.

CJITL: Oinsa ho partidu foun ida mosu ho naran AMPT?

Manuel Tilman: Buat ne’e normal no demokrasia, ba hare deit FRETILIN, FRETILIN uluk ne’e ida deit oan primeiru ne’e maka ASDT tuir fali maka PD sira oan tuir fali mai agora ne’e maka FRENTI MUDANSA, no FRETILIN la hotu ida maibe agora dadaun buras tan deit ba fali PSD rasik mos hanesan nebe buat ne’e hanesan politika sa buat ne’e buat ida hanesan dinamika politika ida iha nasaun tomak buat ne’e demokrasia.

CJITL: Maibe partidu rua ne’e bandeira ida ka oinsa?

Maneul Tilman: Ahhh, bandeira keta ketak buat ne’e ne bandeira ida deit ne’e tribunal rekurso la simu,ami nian ne’e bandeira kompletu iha ulun fatuk iha isin iha ruin iha fuan,agora se maka hasai tiha fali fuan iha deit fali maka isin ruin ne’e partidu ne’e rasik maka responsabilidade ba ninian portantu hau la pronunsia kona ba assunto ne’e.

CJITL: Tamba sa agora dadaun ne’e AMPT maka iha fali sede KOTA nian?

Manuel Tilman: Ba buka to’ok ba se ita bolu monarkia ne’e signifika katak liurai oan,los ka lae,agora ba buka tok sira se sira nia avo maka ukun rai ida ne’e, hau viza avo sempre ukun rai ida ne’e hanesan liurai oan se sira seluk hau la hatene sira nia avo liurai oan maka ne’e ka, dato mak ne buan maka ne’e ka hau la hatene ba husu tok ba sira, mas tuir monarkia tenke ser liurai oan,agora ohin loron ita iha Republika Demokratika tau fali liurai oan, ahhh…liurai oan barbarak iha FRETILIN  ,iha AMP nebe ukun hela ne’e imi ba hare tok iha parlamentu ne’e sira ne’e laos liurai oan,maibe agora rai ne’e laos monarkia maibe Republika Demokratiku de Timor Lesste.

CJITL: Entaun mais ou menus Ita boot bele konta istoria oitoan kona ba KOTA no AMPT?

Manuel Tilman: Ahhh..hau koalia ba KOTA ida ne”e maka interese mai hau atu hetan votus, hau ba koalia fali ba seluk atu manan saida nein aifarina oan ida hau la manan hau ba lakon tempu fali ba buat ne’e.


CJITL: Ita bele fo tok komentario oitoan antes ami ba hasoru Sr. Pedro Ramalho?

Manuel Tilman: Ba ba sa, ba husu nia,ninia avon liurai ne’e nia ukun rai ne’e,hau agora hau liurai oan maibe ohin loron ita iha republika demokratiku ida ne’e maka hau dehan. (Manuel Tilman husik Hela jornalista CJITL, hodi la'o dadaun ba sa'e kareta 88).
Jornalista: Amandio Magno no Maria Rosa/CJITL)