CJITL Exlusivu, Projetu Desantralizasaun Distritu-PDD iha distritu Manatutu lao ho normal, no fo benefisio ba Povu iha distritu refere, tuir mai CJITL halo intervita Exlusivu ho Administrados Distritu Manatutu, Elvino B. do Rego via telephone.


CJITL: Oinsa Programa Implementasaun PDD iha Distritu Manatutu?


EB: Programa PDD iha tinan kotuk ne’e implementa hotu ona no hela deit ona prosesu ba tama reflesaun  nian hodi bele halo pagamento.


CJITL: Programa PDD iha distritu Manatutu periodade  ba area saida ?


EB: Iha 2010 ne’e ami periodade ba agrikultura iha mos edukasaun be’e mo’os, saude.

CJITL: Rejultadu monitorijasaun ba implementasaun PDD nian oinsa ?


EB: Ba 2010 monitorijasaun lao hanesan bai–bain, maibe ba 2011 seidauk halo monotorigasaun ba projetu tanba seidauk halo implementa, agora ne’e faze reflesaun ami akompania nafatin hodi hein fulan 6 ne’e iha buat ruma a’at karik para atu husu ba kompania bele hadia fali  ho nune’e  bele hotu 100%.


CJITL: Benefisiu PDD ba povu iha Distritu Manatutu ne’e saida?


EB: Benefisiu PDD ba povu Distritu Manatutu ne’e, bo,ot teb-tebes  hanesan  iha 2010 ne’e ita hare katak harii klinika maternidade ba tolu, iha Natarbora ida, iha Soibada ida, no iha laklubar ida, povu presiza tebes liu-liu inan feto sira atu tuur ahi.


CJITL: Oinsa bantazen ba PDD ne’e rasik ?


EB: Bantazen ba oin atu dehan katak  ne’e presiza tebes, tanba PDD fo bantazen bo’ot liu ba povu sira iha baze, tanba ho PDD rasik joventude sira mak heten servisu, Projetu ne’e mos fo servisu ba ema barak.(Domingos da Silva/CJITL)