CJITL Exlusivu, Tuir mai CJITL online hatun karta elektronika ida husi karta 12 ne'ebe redasaun simu durante semana ne'e, konaba pagamentu subsidiu husi Ministeriu Saude ba estudante Timor oan iha Kuba ne'ebe seidauk realiza maske tuir Chefe Departamentu Registo Dezenvolvimento Profisionais, Francisco Perreira Do Rego katak transferensia hala'o tiha ona.

Boa tarde,  Ami hakarak husu obrigado ba noticias nebe haruka mai. Ami lee info nee halo ami triste e Stress.

Hanesan Chefe Departamentu Registo Dezenvolvimento Profisionais Ministeriu Saude Francisco Perreira Do Rego Hateten dehan ami iha nee simu Osan por semester mak 1000 dollar, Ami la satisfeito liu ho ida nee,

Ami iha nee tinan haat ona e TINAN ida completo mos ami nem atu simu too 900 dollar.Husik hau konta halo didiak lai:

Primer ano nee ami simu 50 dollar por mes, neebe TOTAL nee hamutuk 600 dollar TINAN ida completo.segundo ano nee tmb governo timor aumenta 10 entaun fulan ida ami simu 60 dollar, 720 TINAN ida. tercero ano nee sae tan 10 dollar, 70 dollar pur mes e TOTAL tinan ida nee 840 dollar?

Ultimo mak cuarto ano nia,, nee mak too agora ami hein hela seidauk simu, sei hein ami nia representante ba ferias iha Timor fila mai mak ami foin simu, entaun kala akhir fulan Julho mak ami simu.

Nebe ami tenque hein. Problema kona ba osan nee laos foin dadauk, mai ami karik hanesan ita han etu lor-loron.

Visita ida mai husi timor ami sempre hatoo acerca de problema sira nee,,sira mos hatan katak ami sei resolve buat sira nee, alin sira kalma deit. Maibe too agora problema sira nee mak sei nafatin hela deit. Halo ami husu too ami sai moe.

Atu simu deit osan 70 dollar nee mos ami rona lia barak, tamba ami sisi hela deit, sira hatan dehan Imi laos pejabat, maibe ami husu osan nee tamba ami nia necesidade.

Foin lalais nee ami nia maun representante, tamba ami husu hela deit kona ba osan transferencia nee, nia hatan dehan katak, osan nee mai tama iha konta bancaria Embaixada nia, nee problema otuan, tamba hanesan ami nia representante koalia, osan nee masque too iha conta embaixada sei iha dalam bentuk tranferencia, entaun se dalam bentuk transferencia banco tenque Kua fali embaixada nia osan, nee halo embaixada lakon boot.

Konaba asunto ida nee ami la husu didiak tmb ami la komprende, husu ba maun ekonomia analiza tok buat sira nee.

Kona fali ba deklarasaun ida dehan Governo Cuba fo ami Necesidade lor- loron nia nee, hau hakarak hateten deit katak:

Buat sira nee loos katak governo Cuba fo ami fulan ida,
- osan 100 Pesso cubano( troka ba dollar hetan 4 dollar U$)
- Sasan hanesan: Pepsodent(1), sabaun(2), shampo(1), Detergente fase ropa(1) e buat balun tan.Maibe sasan sira nee ami simu durante ami nia Primeiro ano, segundo ano, tinan rua nee mak ami simu lancar. Tama iha ami nia terceiro ano nee ami comesa simu laloss ona, dalaruma fulan 3 mak foin simu dala ida.

Tama iha ami nia Cuarto ano neebe comesa husi Janeiro 2011 nee too agora ami nem simu sasan sira nee durante visita husi parte cubano nia mai hare ami, ami sempre husu kona ba buat nee, maibe sira dehan sasan sira nee imi sei la simu tan ona, neebe too agora ami simu deit mak 100 pesso nebe vale 4 dollar U$ .

Hau hakarak husu husu ba maun hatoo hela ba Sr. Francisco e ba Maun boot sira seluk tan katak keta inventa imformasaun, tamba buat sira nebe Sr Francisco koalia nee laloss e halo ami triste e laran moras!!!!

Ami iha nee pur semester ami la simu 900 dollar ida OK! Keta bosok tun sae tamba tinan ida mos ami la simu too 900 dollar.

Ami iha nee ba hospital, Medico sira trata kolega balun dehan:

Los timorenses son pestes, Katak timor oan Dois. Tamba maun komprende, osan laiha atu hola complementarios sira. Nebe husu ba Sr Francisco atu analiza didiak nia liafuan sira nee mak hasai.

Mak nee deit , OBRIGADO!!!!!
HAKOAK BOOT!
ADEUS!!!!