Ermera, Prezidente Repúblika (PR) Taur Matan Ruak akompañadu hosi Enkaregadu Negosiu Embaixada Estadus Unidus iha Timor-Leste, Scott Ticknor, Kuarta feira ne’e intrega Kadeira no Meja unidade 40 inklui livrus 600 ba Eskola Bazika Filial Similelo, Suku Lequemea, sub-distritu Gleno, distritu Ermera.

Material hirak ne'e hetan apoiu hosi Estadus Unidus Amerika tuir pedidu Xefe Estadu nian, wainhira hasoru malu ho Komandu Pasifiku Forsa EUA nian ne’ebé mak hala’o vizita mai Timor-Leste iha tinan kotuk.

Ceremonia entrega fasilidade eskola ne’e asiste diretamente hosi Vice Ministra Edukasaun Assuntu Ensino baziku Dulce de Jesus Soares, Primeira Dama Isabel Ferreira no Adidu Defeza EUA iha Timor-Leste John Lee, no Komandante Komponente Naval Seabee Mark Guida. (*/CJITL)