Dili, Ohin, loron Kinta-feira (6/6) oras tuku tolu loraik Komisariu Commissào Anti-Corrupçào (CAC) Adérito de Jesus Soares sei lidera ekipa CAC nian hodi halao primeira diskusaun kona-ba draft Lei Deklarasaun Rikusoin.

Delegasuan CAC kompostu husi Komisariu Adjuntu ba asuntu Prevensaun Manuel Bucar Corte-Real, Sekretariu Eksekutivu CAC Alexandre Freitas Gusmao, Diretora Investigasaun Maria de Vasconselos, Direitur Prevensaun Abrao Freitas, Direitur Edukasaun, Kampanha e Peskiza (EKP) Rosario de Araujo ba Parlamentu Nasional (PN) hodi halao primeira diskusaun kona-ba draft Lei Deklarasaun Rikusoin.

Deputadus iha Uma Fukun PN husi Komisaun A ba asuntu Konstitusional, Justisa, Administrasaun Publika no Anti-Korrupsaun hamutuk Komisaun C ba Asuntu Finansas Publika sei marka prezensa iha primeira diskusaun kona-ba draft lei Deklarasaun Rikusoin ne’ebe inisia ka prepara husi Senior Management CAC.

Primeiru Audensia ne'e sei partisipa iha diskusaun “Concept Paper” ne’e mak  Adjunta Prokurador Zelia Trindade ho Prokurador Vicente Brito Fernandes husi Ministeriu Publiku, Adjuntu PDHJ ba Boa Governasaun ho nia asesor, Inspeitur Geral Estadu (IGE) sei reprezenta husi Inspeitur Jeral rasik Francisco de Carvalho ho nian offisial superior balun. (*/CJITL)