CJITL Manatuto, Problema Estrada sai asuntu Importante iha Distritu Manatuto, tanba Estrada iha Distritu refere kuaze a’at hotu, maibe Estrada la tama iha Programa PDD 2011.


Tuir Administrador Distritu Manatuto Elvino B. do Rego via telephone hateten katak Estrada iha Distritu Manatuto kuaze a’at hotu, maibe Estrada la tama iha PDD 2011.


“wainhira Estrada a’at bele afeita mos ba dezenvolvimentu iha distritu laran” dehan Elvino, via telephone segunda 18/7.


Elvino hatutan katak Iha Distritu Manatuto, Estrada la tama ba Programa PDD, tanba ne’e ami hato’o tia ona ba Sekretariu Estadu Obras Publiku, atu bele hadia iha emergensia nia laran hodi nune’e komunidade sira bele halo movimentu ba mai.


“Estrada importante liu ba komunidade sira, atu nune’e sira bele lori sira nia produtu ba iha menkadu” informa Elvino.


Nia hatutan katak wainhira atu tama ba eleisaun 2012 estrada sira ne’e tenke diak hotu, atu nune’e komunidade  sira bele ba asesu eleisaun ne’e ho diak.


“Se kuandu Estrada hirak ne’e mak la diak bele afeita mos ba eleisaun 2012” Elvino Kestiona.(Domingos da Silva/CJITL)