CJITL Lautem, Programa PDD iha Distritu Lautem ohin hahu Implementasaun ba projetu Programa PDD iha Distritu lautem.


Tuir Administrador Distritu Lautem, Josefrino Dosantus Seguera via telephone hateten katak Komisaun Dezenvolvimentu Distritu-KDD halo klasifikasaun tuir klase Projetu e tuir klese Kompainia hanesan klase A iha $ 15.000 mai kraik, klase B $ 15.000-$ 30.000 klase C $ 65.000-150.000 e klase D $ 150.000- $ 1500.000.


“PDD tinan ne’e nian iha Distritu Lautem preoridade liu ba Infra-estrutura baziku, bee mos, Agrikultura, no edukasaun”dehan Josefrino via telephone sesta 22/7.


Nia hatutan katak PDD iha distritu Lautem hamutuk 26 projeitus, projetu 6 ba kontratu komuitariu tanba sira menus $ 15.000 mai kraik,  no Projetu 5 mak ba PDD II ne’ebe mak ho orsamentu $ 15.000 ba leten, restu ne’e ba PDD I.


“Kompainia ne’ebe mak kaer projetu hamutuk 20 kompainia, e projetu 6 fo kontratu ba komunitaria” Informa Josefrino.


Nia hatutan katak kompainia ne’ebe mak hatama dokumentus 107 kompainia wainhira ita halo komparasaun karik la iha balansu,  tanba kompainia balun la prense Kriteria.(Domingos da Silva/CJITL)