CJITL Ermera, Relasiona ho konflitus ne’ebe mak akontese iha fat-fatin UNICEF konvoka treinamentu Habilidade Ba Paz Arte Marciais Distritu Ermera durante loron tolu dia 4-6 agustu 2011.

Tuir Raul Martins de Souza, Nudar Formador Habilidade ba Paz  hateten katak Trenamentu ne’e halao ba dala ha’at ona iha Distritu Ermera.

“Materia espesifiku liu ne’ebe fo mak oinsa resolve problema no oinsa hasees a’an husi konflitu ne’ebe mosu, tanba liu husi Materia hirak ne’e bele fo hanoin mos ba  Juventude sira, arte marciais  sira,  oinsa bele aplika buat diak ruma iha sira nia  moris” dehan Raul.

Iha fatin hanesan Olivio Amaral husi organizasaun  Arte Marciais PSHT ne’ebe parisipa mos iha treinamentu  ne’e hateten katak liu husi treinamentu Abilidade ba Paz ne’e bele fo hanoin ba maluk arte Marciais sira hotu, atu nune’e bele halakon konflitus, atu nune’e bele kria Paz no estabilidade iha moris lor-loron nian.
 
Nune’e mos Augustu Ricardo soares  hanesan juventude ne’ebe partisipa iha formasaun  ne’e  kontente tebes ho programa Habilidade ba Paz  ne’ebe fasilita treinamentu durante loron tolu ba sira.

“Maski la inklui A’an iha organizasaun Arte Marciais no Arte Rituais maibe hanesan juventude hau apresia tebes ho programa habilidade ba paz, hau mos hanesan juventude hau hakarak partisipa iha formasaun hanesan ne’e atu bele hatene modifika ita nia hahalok no bele hases a’an husi hahalok at sira hanesan konflitu”informa Augusto.

Formasaun durante loron tolu ne’e partisipa husi  Juventude, membrus arte Marciais no Arte rituais, hamutuk ema 100 resin.( Faustina Brites Dearaujo /CJITL Ermera)