CJITL Flash, Elektrisidade ne’ebe mak mate lakan iha sidade Dili laran laos buat foun ida ba komunidade iha Kapital Dili, maibe komunidade iha komoro konfesa sira nia terus tan ahi n'ebe kontinua lakan mate.

Tuir Terezinha de Araujo, komunidade suco Comoro Aldea Maris Foun lamenta tebes ho ahi Elektridade ne’ebe mak lor-loron mate lakan hela deit.

“Loron ida ahi mate lakan kadaves to’o dala haat, ida ne’e fo impaktu bo’ot ba ami nia sasan elektrisidade, hanesan televisaun, kulkas no sasan sira seluk tan, oinsa ami bele moris, diak liu ami mos mate deit ona”dehan Terezinha iha nia hela fatin Moris Foun Comoro, tersa 07 de Setebru.

Nia mos husu ba Governu liu-liu Sekretario Estado elektrisidade e Urbanizasaun Januario Perreira atu matan netik ba elektrisidade ne’ebe lakan mate hela deit ne’e.

Nune’e mos Sebastião perreira haktuir katak elektrisidade ne’ebe mate lakan hela deit fo impaktu boot ba ami ne’ebe nudar estudante.

“Electrisidade ne’ebe lakan mate fo impakto ba ami, tanba wainhira ami halo tugas mak ahi mate, ami nia tugas ne’e sai paradu tia” dehan Sebastião.

Nia mos husu ba governu loke netik matan ba electrisidade ne’ebe lakan mate hela deit ne’e.(CJITL Internship)