Find us on Facebook

 
 
 

Timor Today

  1. Breaking News
  2. Exclusive
  3. Gender
  4. in Depth
  5. Opinion
  6. Redaction
  1. Investigative
  2. World
  3. Sports
  4. Entertainment

Around Districts

×

Error

An error occured during data fetch from google.com: Error refreshing the OAuth2 token, message: '{ "error" : "invalid_grant" }'
CJITL Exlusivu, Tuir mai ne’e, intervista esklusivu ida konaba kronolozia feto Timor oan ida ho naran insial AM tama vida prostituisaun iha Bar Wisma Cendana, Mandarin Dili.

Tuir mai  Centru Jornalista Investigativu Timor Leste (CJITL) halo intervista ho AM ho reporter CJITL, Kinta 03/3 iha nia hela Fatin Farol Dili.

CJITL: Tanba sa mak ita bo’ot hakarak tama ba vida prostituasaun?
AM : Hau tama vida prostitusaun ho idade 22, wainhira hau ba lamar servisu iha Bar ida ne’ebe uluk ema bolu Cendana Mandarin Dili, iha momento ne’e hau servisu hanesan cleaner hanesan dasa rai, fasi kopu, no hamos foer iha bar laran, iha momento ne’e hau mos la hatene oinsa atu servisu iha Bar, hau servisu liu tia fulan ida, hau nia Patraun haruka hau halo fali servisu iha Bar laran hanesan iha uma laran, hadia kuarto ba ema aluga, hau hadia fatin no mos atende bainaka sira ne’ebe mak atu mai aluga fatin.
 
CJITL: Ita bo’ot  servisu iha Bar ne’e, hetan salario hira?
AM : Salario ne’ebe mak sira fo mai hau, bainhira hau sei halo servisu iha bar laran ne’e sira fo hau salario U$ 100,00 depois  patraun ne’e haruka hau muda fali ba laran sira fo hau salario, U$ 1.50,00 halo hau mos kontenti waihira simu servisu husi Patraun, maibe hau sadar  a’an saida mak atu  akontese mai hau, iha loron ikus mai.

CJITL: Tanba saida mak ita bo’ot monu ba vida prostituisaun
AM : Hau mos la hatene tiba-tiba ema sira sempre mai hemu iha Bar ne’e, sira hemu lanu tia e sira bolu hau,  hei cantik bele kenalan ka, hau mos dehan bele, depois ne’e ami mos koinese malu depois ne’e sira mos mai hela deit,  iha momento ne’e mos hau la hatene Bar ida ne’e tampun feto china sira ne’ebe mak mai halo vida prostituasaun, hau mos monu ba malae ida ne’ebe sempre mai hemu iha Bar ne’e, nia bolu hau hodi fo tua ami nain rua hemu to’o ikus mai hau mos lanu todan to’o la sadar a’an e malae ne’e mos hola tia hau.

CJITL : Tanba sa’a mak ita bo’ot la kaben deit ho malae ne’e nusa mak ba halo fali vida henesan ne’e ?
AM : Iha momento hau mos hakarak tebes atu kaben ho malae ne’e, maibe’e to ikus mai hau la hetan malae ne’e, entaun ho nune’e mak halo hau hanoin barak to’o hau rejigna  a’an husi hau nia servisu  no hodi sai ba halao deit hau nia servisu hanesan prostitusaun, tanba laiha dalan seluk tan mak hau atu buka osan ba hau nia a’an rasik, dalan ikus mak hau tenke halo prostituisaun.
 
CJITL : Usaha saida mak ita bo’ot halao rasik?
AM: Hau aluga uma ki’ikoan ida iha Farol,  hau halibur hau nia kolega feto sira ne’ebe mak sempre mai halimar ho hau iha ne’e, ami mak hamutuk halao’o vida ida ne’e, ami hamutuk hodi loke fatin ida ne’e, tanba’a liu husi aktividade ida ne’e mak ami hodi hetan osan.

CJITL: Tanba sa agora ne’e ita bo’ot sira taka tia fatin ida ne’e,no ita bo’ot sira la lakon bainhira taka tia fatin ida ne’e?
AM: Hau la lakon tanba agora ne’e hau la hanesan uluk ona, hau mos iha ona katuas oan ho oan ida, jadi agora ne’e hau lakohi tan moris hanesan prostituisaun.

CJITL: Oinsa’a ho ita bo’ot nia kolega sira ne’ebe mak uluk hamutuk ho ita?
AM: Hau nia kolega sira ne’ebe mak uluk sempre hamutuk ho hau iha fatin ida ne’e, hau haruka sira ba buka fatin seluk, tamba hau nia moris agora la hanesan uluk ona.

CJITL: Ita nia kolega sira ne’e la hirus karik ita bo’ot haruka sira ba buka fatin seluk?
AM: Hau hanoin sira mos komprende tanba sira mos tauk atu halo tan vida ida ne’e hau fiar katak sira mos neneik sei sai ema diak hanesan hau. (Sonia Ferreira/CJITL)